حوار بين جد وحفيدته سنه 2080!!

موضوع: حوار بين جد وحفيدته سنه 2080!! 2007-08-08, 04:11

شوفو الحوار ده مع الجد والحفيدة عام2080

الحفيده: جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة
اخر روشنه

الحفيدة : ياه يا جدو .. ده انتوا كان ليكم تقاليد غريبة خالص

الجد : وهو انتي فاكرة إن أيامكم دي أيام؟ يا بنتي أيامكو دي ما

يعلم بيها إلا ربنا .. فين أيام سنة 2006م ، هو الواحد فينا كان

يستجري يشرب سيجارة ولاحتى يشم مخدرات قدام ابوه [color=#0000cc]طب ده الدنيا كانت ساعتها تتقلب ومش تتعدل ساعتها اومال ايه يابنتى كان فى حاجه اسمها اخلاق وتربيه مش زى ايامكم دى

الحفيدة : ياه ياجدو معقوله للدرجادى!!

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول يعنى الجيبه كان لا يقل طولها عن شبر ونص وكانوا دايما يلبسو بلوزه فوقيها مش زى دلوقتى

الحفيدة : يا خبر .. وإيه كمان ياجدو

ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست دى كوم تانى

الحفيدة: ومين الست دي يا جدو

الجد: في حد مايعرفش الست...نانسي عجرم طبعا

الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبى لانه بايت معايا فى الاوضه

بعد عدة دقائق) هيه يا جدو .. وبعدين

الجد :
أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟

الحفيده : 70 مليون بس !!

الجد :
أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو!!

الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على

ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين ياجدو ؟
الجد:
أصلي كنت موصي الجزار على اتنين كيلو لحمة وأعطيته ثلاثة الاف جنيه عربون عايز اروح اطمئن اشوف اللحمه جات ولا لسه

منقوووووووول هذا الحوار

مشكله فعلا والله سنه 2080 دى هنكون فين والحاله هتبقى عامله ازاى ربنا يستر فعلا والله ويرحمنا ياااااارب وجدو فعلا طلع راجل مشكله هو والحفيده

اتمنى ان ينال اعجابكم هذا الحوار

howa kane bikallime mine hafédtou walla sahabtou

law kane béyethaware maa maratou kane hayollaha éhe?!
lol!

yalahwé da hayollaha kalame wa hatollou kalame!!!!!!!!